Bilang isang developer, maaaring hindi ka gaanong
mahusay sa pagdidisenyo. Pero gusto mo na magmukhang maganda ang mga
application mo. Tama? Sa mabilis na paalala na ito, naglista ako
ng 20 na mga graphic resource para sa iOS na makikita mo sa GraphicRiver. Hindi ka lang makakatipid sa oras, kung
hindi makakagawa ka pa ng magagandang mga application.
1. Ang
application icon
Ang application icon ay isa sa mga
pinakamahahalagang bahagi ng isang application. Epektibo ang paggamit ng oras mo sa
paghahanap ng tamang anyo at impresyon. Ang mga sumusunod na bagay ay makakatulong
sa iyo.
Hindi lang mga icon ang kasama ng bagay na
ito. Ito ay may iba’t-ibang mga Photoshop action
para makagawa ng tatlong estilo ng mga icon:
ang default iOS 7 style
ang classy flat style
ang flat shadow style
Maaari pang i-customize ang mga icon sa
pamamagitan ng mga greydyent, mga kulay, at grid na makakatulong sa iyo na
iposisyon ang mga elemento ng icon mo. Ang mga action na nakapaloob dito ay
makakatulong sa iyo na makagawa ng iba’t-ibang laki na hinihingi ng Apple.
Marami ang nagagawa ng Minimal Icon
Generate template. Ito ay may saklaw na mga elemento ng vector
na maaari mong gamitin kasama ng mga greydyent, at kumbinasyon ng mga kulay na
mahusay na pinili. Nakaayos ang Photoshop file sa mga grupo at
mga layer. Hindi ka dapat magkaroon ng problema sa
paghahanap ng magandang kumbinasyon para sa iyong application, kung ikaw ay may
kaunting karanasan sa paggamit ng Adobe Photoshop.
Kung hindi payak na disenyo ang hanap mo,
ang iOS icon template na ito ay mas babagay sa iyong proyekto. Nakapaloob sa template na ito ang
iba’t-ibang mga icon, mga frame, at mga background na maaari mong i-mix at i-match
para makahanap ng kumbinasyon na nais mo. Ang template na ito ay gumagamit ng mga
vector kaya hindi ka na dapat pang mag-alala na i-customize ito para sa
pangangailangan mo.
Gusto mo bang maglagay ng mga makalumang
icon bago ang pagdating ng iOS7? Puwes, ang template na ito ay para sa iyo. Maaari mong magustuhan ang dalawang
dosenang disenyo ng skeuomorphic icon na kasama dito. Ang template na ito ay mayroon din na mga
background ng greydyent, mga estilo ng frame, at napakaraming mga texture.
Pinagsama-sama ng mga template na ito ang
mga kulay, mga pattern, at mga template na nagbibigay ng libu-lubong mga
kumbinasyon upang makalikha ng custom application icon. Kung limitado ang badyet mo at hindi mo
kayang magbayad ng taga-disenyo, maaaring ito ang sunod na pinakamainam mong
opsyon. Kalakip ng template na ito ay ang
iba’t-ibang mga light effect, mga estilo ng frame, at mga kumbinasyon ng kulay
upang makalikha ng pambihirang icon para sa iyong application.
2. Application Templates
Napakahusay ng mga application template sa
pagpapabilis ng pag-unlad ng application. Nakakatulong ang mga ito sa iyo sa
pagbibigay ng ganda at impresyon. Ang GraphicRiver ay nagbibigay ng malawak na saklaw ng
template na maaari mong gamitin sa iyong mga proyektong iOS. Pumili ako ng ilan na magbibigay sa iyo ng
ideya kung ano ang makikita sa GraphicRiver.
Nababagay ang application template na ito
sa mga restawran, mga café, at mga pahingahan. Sinusuportahan nito ang iPhone 5, iPhone 6, at iPhone 6 Plus. Kabilang sa item na ito ay ang iba’t-ibang
mga organisado, at may layer na mga Photoshop file. Bagama’t ang pamagat nito ay tumutukoy sa
iOS, ang template na ito ay maaari ding gamitin sa Android.
Mamamangha ka sa template na ito. Ito ay dinisenyo upang magamit kasama ng
Keynote at ito ay may nakalaan na suporta para sa iPhone at iPad. Madilim at maliwanag na bersyon ang
nilalaman ng template na ito. Maaari mong gamitin ang drag-at-drop upang
makagawa ng mga mockup upang mapadali ang paglikha ng application na nababagay
sa pangangailangan mo.
Kahit na ito ay hindi payak, ang
application template na ito ay may limang kahanga-hanga at maaaring gamitin sa
anumang dahilan na template. Maayos na inihanda ang mga Photoshop file
na ito, kaya naman napakadaling mamili at maghanap ng mga bahagi na nais mong
ilagay sa iyong application. Nakapokus ang bawat template sa isang
partikular na uri ng application:
Ipinapakita ng mahusay at eleganteng
template na ito ang isang mobile application para sa tindahan ng mga damit o
moda. Ang mga disenyo ay detalyado, moderno, at
madaling i-customize. Sinusuportahan ng template ang mga display
ng retina at ito ay mahusay na nakaayos.
Madali pa ring mabago ang payak na design
template na ito para sa iba’t-ibang uri ng mga application, bagama’t ito ay
isang movie listing application para sa iOS. Nakapaloob sa template ang 12 na mga
Photoshop file na mahusay na nakaayos at nakapatong. Hindi na kailangan pang sabihin na ang
template na ito ay sumusuporta sa mga kagamitan na may retina display.
Nakakamangha ang katangian ng template na
ito sapagkat ito ay naaangkop sa anumang bagay. Ipinapakita nito ang malawak na uri ng mga
application kaya naman ito ay makakatulong sa iba’t-ibang mga proyekto. May dalawang bersyon ang template na ito,
isa para sa mga 4" display (iPhone 4, 4S, 5, 5S) at isa para sa mga 4.7" display (iPhone 6 and iPhone 6S).
Nakapaloob sa template na ito ay ang
mahigit sa 30 na screen, na may mga hugis ng vector. Ang bagay na ito ay may puti at berdeng
variation, at higit sa lahat, ito ay may higit sa 60 na custom vector icon na
maaari mong gamitin sa iyong mga application.
Nilalayon ng template na ito ang mga travel
application. Dahil ito ay may kasamang hindi kukulangin
sa 30 na mga screen at sampung kategorya, sulit ang halaga ng template na ito. Sinusuportahan nito ang iPhone 6 at
nakapaloob dito ang humigit sa 100 na bahagi.
3. Ang
mga icon
Ang mga icon ay mahalagang bahagi ng
mobile. Madalas na napakaliit ng screen ng mga
mobile device para lagyan ng maraming text kaya ang mga icon ay mas mainam na
gamitin sa mga interface ng mobile user. Ang GraphicRiver ay may maraming set ng icon. Tiyak na makakahanap ka ng set na nababagay
sa mga pangangailangan mo sa iyong proyekto.
Halos lahat ng mga mobile device ay may mga
maliliit na sukat ng screen, kaya naman ang mga icon ang pinakamainam na paraan
para bigyan ng application meaning ang user interface. Ang mga icon na mahusay na dinisenyo ay
makakatulong sa user upang malaman kung paano gamitin ang isang application.
Ang
icon set na ito ay nababagay sa mga payak na disenyo. Kasama dito ang 50 na maaaring gamitin sa
anumang dahilan na mga icon at maaaring gamitin sa kahit na anong mobile
application.
Isa sa mga mahahalagang elemento ng anumang
weather application ay ang mga icon nito. Ang icon set na ito ay may 20 na mahuhusay
at matataas na kalidad ng mga icon para sa bawat uri ng panahon.
Nakapokus sa isport ang icon set na ito at
mayroon itong hindi bababa sa 150 na mga vector icon. Kasama sa set na ito ang bawat kilalang
isport. Ang mga icon ay detalyado at nababagay para
sa iOS, Android, at ang web.
Kalakip ng pakete ng icon na ito ay ang
hindi bababa sa 300 na mga icon. Ang mga icon ay nababagay sa anumang iOS na
proyekto na may payak na disenyo, ngunit maaari mo din itong gamitin sa iyong
Android o mga proyekto sa web.
Kung ang hanap mo ay mas maraming kulay,
maaaring magustuhan mo ang set ng mga icon na ito. Mayroong 80 na payak na mga icon na nasa
iba’t-ibang format ang bagay na ito. Ang saklaw ng mga icon ay mula multimedia
at komersyo hanggang programming at edukasyon.
Tunay na pinagbutihan ng may-akda ang icon
set na ito. Naglalaman ng hindi bababa sa 600 na mga
icon ang bagay na ito, kasama ang mga Photoshop at Illustrator file. Ilan sa mga paksang kasama sa set na ito ay
ang panahon, multimedia, pagkain, social media, at kalusugan.
Gusto ko ang kasimplehan, estilo, at
kumbinasyon ng mga kulay ng icon set na ito. Kasama sa set na ito ay ang higit kumulang
na 150 na mga icon na maaaring magamit sa anumang dahilan at nababagay sa halos
lahat na uri ng proyekto. Ang mga icon ay may iba’t-ibang format at
mga resolusyon.
Mamili ka Pick
Ang GraphicRiver ay nagbibigay ng pambihirang
seleksyon ng mga icon at template. Kung hindi mo makita ang hinahanap mo,
malamang, hindi mo din ito makikita kahit saan. Sa susunod na kakailanganin mo ang isang
graphic resource para sa iyong proyekto, tingnan ang GraphicRiver.