15 Na Pinakamagaling na Ionic AppTemplates

Tagalog (Wikang Tagalog) translation by Robert Alexander (you can also view the original English article)

Sa Ionic, ang paggawa ng high-performance, cross-platform na mobile app ay kasing dali lang ng paggawa ng website. Sa totoo lang, kung ikaw ay magaling na developer ng web na nais na maging Android or iOS app developer ng ganun lang kadali, ang gagawin mo lang ay i-install at simulang gamitin ang Ionic. Sinisigurado ko, wala itong kahirap-hirap.

Subalit ang paggawa ng feauture-rich na Ionic app na may eleganteng user interface, ay hindi ganun kadali-lalo na kung kailangang magmukha itong native sa iba’t ibang platform. Sa kabutihang palad, sa pamamagitan ng paggamit ng Ionic template marami kang matitipid sa oras at bawas sa hirap.

Ang CodeCanyon ay isa sa pinakamalaking online market places para sa Ionic templates. Kahit na ano pang kailangan ng iyong app, ,malaki ang pag-asa na ang CodeCanyon ay may template para dito. Sa artikulong ito, ililista ko ang 15 na magaling na Ionic templates na maaari mong gamitin ngayong taon.

1. Ang Ionic Mobile App Builder

Gawa ng CodeGenerator, ang Ionic Mobile App Builder, o sa madaling salit IMA builder, ay isang award-winning na template kung saan makakagawa ng parehong static at dynamic na Ionic apps ng hindi kailangang sumulat ng kahit anong code o kung ano pa man. Taglay nito ang napakagaling na web-based interface na magagamit mo para matukoy ang bawat aspeto ng iyong app. At tiyak, maaari mong i-fill out ang ilang forms sa iyong browser para makagawa at ma-configure lahat ng bahagi ng user interface ng iyong app, kasama na dito ang navigation drawers, menus, popovers, tables, at pahina.

Subalit ang maganda sa template na ito ay ang app na ginawa mo sa loob nito ay may kakayahang makipag-ugnayan sa iba’t ibang data sources, katulad ng WordPress, WooCommerce, at iba pang content management system na may JSON API.

2. IonWordpress

Ang IonWordpress, na gawa ng magaling na IonicThemes, ay template na maaari mong gamitin kung nais mong gawing kamangha-manghang Android o iOs app ang iyong WordPress. Isa ito sa mga sikat na themes sa CodeCanyon, at dahil may napatunayan na ito-marami itong feautures na maiisip mo, magaling na dokumentasyon, at madaling basahin na code.

Karagagdagan sa functionality ng WordPress, ang template na ito ay taglay ang push notifications, advertisements sa mobile sa pamamagitan ng Google AdMob and Apple iAd, at ang in-app browser.

3. Material Design UI Ionic

Ang template na ito, na gawa ng magaling na CreativeForm, ay para sa Ionic developers na ayaw ilaan ang oras sa pagdi-disenyo ng apps. Taglay nito ang mahigit 60 na karaniwang ginagamit na screen layouts at limang magandang UI themes. Mayroon din itong organisadong Sass file na naglalaman ng dosenang variables na maaari mong baguhin para mas ma-customize ang itsura ng app.

Para maiwasan ang iba’t ibang resolutions ng mga images, sa template na ito ay kabilang ang icon fonts na may mahigit 800 na icons. Kung gagamitin mo ang images na ito, sinu-support din nito ang ilang blending modes para dito.

4. Ang IonStore

Ang IonStore, gawa ng ionicpremium, ay template na dapat mong isaalang-alang gamitin kung gumagawa ka ng e-commerce app. Dito ay madali kang makakagawa ng magandang app na maaari mong ilagay sa iyong WooCommerce website at kunin ang data and settings mula dito. Sinu-support din nito ang iba’t ibang paraan ng pagbabayad (payment methods), lengguwahe, at salapi (currencies). Sobrang customizable din ito, na may mabusising control sa itsura ng iyong app. Bukod pa dito, sinu-support din nito ang discount badges, pag-rehistro ng user, pag-track ng order, at push notifications.

Dapat ding tandaan na ang template na ito ay dokumentadong mabuti, at nakikita ang regular na updates at pag-aayos sa bug.

5. Ang Catalogue Ionic

Ang Catalogue Ionic,gawa ng appseed, ay ang pangkalahatang business-oriented template. Kung magpapatakbo ka ng negosyo at sinusubukang makagawa ng app na maipapakita ang mga produkto, ang template na ito ang iyong kailangan. Maipapakita din nito ang mahahalagang impormasyon katulad ng oras ng pagbukas ng shop at pagpipilian sa contact. Kung gumagamit ka na ng WooCommerce, ang template na ito ay maaaring i-configure para mabasa ang data galing dito.

Ang arkitektura ng Catalogue Iconic ay sadyang modular. Bukod pa dito, dahil ito ay gawa gamit ang napakasikat na Yeoman generator para sa balangkas (framework) ng Ionic, makakasiguro kang sumusunod ito sa mahusay na pamamaraan.

6. Barebone Ionic

Ang Barebone Ionic ay malaki, feauture-rich starter template gawa ng appseed. Bilang developer, maaari mo itong gamitin para simulan ang halos kahit anong uri ng Ionic app. Halimbawa, makakagawa ka ng apps n walang hirap na makakabasa ng data mula sa iba’t ibang content management systems, katulad ng WordPress at Drupal. Magsisilbi din itong magandang pundasyon para sa CRUD-oriented apps,instant messaging apps at e-commerce apps.

Gusto ko ding idagdag na ang template na ito ay sadyang integrated ng API ng ilang sikat na websites, katulad ng YouTube, Instagram, Facebook, at Vimeo.

7. IonChat

Ang IonChat, katulad ng pangalan nito, ay template kung saan makakagawa ka ng cross-platform instant messaging na apps. Gawa ng IonCoder, ito ay malaking template na may dosenang malakas na features, katulad ng support para sa usapan ng grupo, social login at pagma-manage ng friend.

Hindi lang madaling i-customize ang template na ito, ang apps na ginawa mo dito ay papaganahin ng Firebase, isang cloud-based na platform na pag-aari ng Google. Ibig sabihn maaari mong gamitin ang Firebase console para i-manage ang iyong app data.

8. Ionic Framework App

Kung naghahanap ka ng modernong template na may dosenang magagandang pahina at madaming pagpipilian ng kapaki-pakinabang na features, ang template na ito, gawa ng gtsopour, ay para sa iyo. Gawa sa Ionic 3, ito ay napaka modular at sobrang madaling palawakin. Sa totoo lang, ito ay may mahigit 20 na modules at mahigit 35 na bahagi!

Ang apps na gagawin mo sa template na ito ay may kakayahang makipag-ugnayan sa iyong WordPress blog gamit ang REST API nito. Maipapakita din nito ang charts,YouTube videos, Google maps, at RSS feeds. Isa pang kahanga-hangang katotohanan tungkol sa template ay ang barcode scanner module, na magagamit mo para i-scan ang ilang uri ng barcodes.

9. TapShop

Sa pamamagitan ng pag-gamit ng TapShop, ang template gawa ng tapgadget, makakagawa ka ng e-commerce app ng walang kahirap-hirap kung saan ang mga gumagamit ay maaaring bumili at magbenta ng mga produkto. Lahat ng features na inaasahan mo sa template ay mayroon ito.

Halimbawa, mayroon itong screens para sa bumibili para makapaghanap ng mga produktong naririyan, mag-alok sa nagbebenta (vendors), at kahit mag-chat sa nagbebenta. Katulad din nito, mayroon itong screens para sa nagbebent para makapag-post ng mga bagong produkto, mag-upload ng mga larawan ng nasabing produkto, at i-handle ang alok ng mga mamimili.

Subalit hindi lang yan,meron pa. Sinu-support din nito ang push notifications, at sadyang integrated din sa AdMob, kung saan mas madaling i-monetize ang apps na ginawa mo dito.

10. Ang Restaurant Ionic

Ang Restaurant Ionic, gawa ng appseed, ay isang template na makakapaghikayat ng kahit sinong may-ari ng restawran. Ang Apps na gawa dito ay feauture-packed, at may magaling na user interfaces kung saan maaaring makita ng mamimili (customers) ang menus, maglagay ng customized orders, mabasa ang mga espesyal na alok (offers), at pumili ng paraan ng pagdi-deliver. Dito ay maaaari ka ring makipag-ugnayan sa iyong mamimili gamit ang push notifications.

Ang pag-set ng template na ito ay madali lang gawin. Ganun din ang pagko-customize nito, dahil magagawa mong kapansin-pansin ang ang itsura ng iyong apply sa pamamagitan lamang ng pagpili ng isa sa mga ilang magagandang hango sa Material Design na color themes nito.

11. Ionium

Ang Ionium ay maraming gamit na starter template gawa ngionicpremium. Kahit gumagawa ka ng e-commerce app, pag book sa hotel na app, news reader, o kaya social media app, maibibigay ito ng template. Makakagawa ka rin ng mabilis na CRUD-oriented na apps, kung saan sinu-support nito ang parehong local at remote storage.

Dahil ang template na ito ay gumagamit ng bahagi ng Material Design, animations, at galaw (gestures), makakasiguro kang ang apps na ginawa mo dito ay magmumukhang modernong-moderno at malinis.

12. IonSocialApp

Ang apps na may social features ay may posibilidad na gumana sa parehong Google Play at Apple’s App Store.Kung interesado kang gumawa ng iyong sarili, ang IonSocialApp, isang pang template gawa ng IonicThemes, ay mayroon ng lahat ng iyong kailangan para makapagsimula. Taglay din nito ang screens kung saan ang gumagamit ay makakapag sign up, sign in, magsulat ng komento, at kahit na maghanap ng napapanahong paksa.

Kabilang din sa template na ito ang ilang kapaki-pakinabang na features na mapapabuti ang user interface ng apps. Halimbawa, sinu-support nito ang pull-to-refresh gesture, infinite scrolling, at native sharing functionality.

13. Mobionic

Mobionic, gawa ng gtsopour, ay isa pang multi-purpose template na may host ng kapaki-pakinabang na feautures. Integrated ito sa WordPress at sinu-suppot ang server-side pagination ng posts. Marami din itong layouts para sa home screen ng iyong apps. Ang pinakabagong bersyon ng template na ito ay sadyang integrated din sa YouTube API, kung saan makakagawa ka ng video-based na apps.

Bilang karagdagan, sinu-support din nito ang push notifications sa parehong Android at iOS na platforms.

14. IcyMobi

Ang IcyMobi, mula sa inspitheme, ay one-stop shop para sa lahat ng iyong kailangan sa development ng e-commerce. Sa template na ito, makakagawa ka ng apps na nagsu-support ng maraming sikat na paraan ng pagbabayad, pag-track ng order, inventory management, at push notifications.

Maaari din silang makipag-ugnayan sa maraming e-commerce platforms, katulad ng PrestaShop, WooCommerce, at Magento. Isa pa, kung nais mong ang app ay ipapakita ang posts mula sa iyong WordPress blog, magagawa din ito ng template na ito.

15. Daily News

Gawa ng tdmobile, ay madaling gamitin na template kung saan makakagawa ka ng news apps na hango sa WordPress.Bilang karagdagan sa magandang home-screen, ang template na ito ay may screens para maipakita ang photo galleries, resulta ng pagsi-search, mga komento, bookmarks, at marami pang iba.

Mayroon din itong ilang features na may kinalaman sa notifications, katulad ng pag-track ng delivery, analytics, at segmented targeting.

Konklusyon

Sa artikulong ito, natutunan mo ang 15 na mahalagang Ionic templates na magagamit mo para simulan ang proseso ng paggawa ng app. Subalit huwag limitahan ang sarili sa mga ito dahil ang CodeCanyon ay marami pang daan-daang tulad na templates. Kung kaya ano pa ang hinihintay mo? Kumuha na ng template at gumawa na!

At kung nais mong mas matutunan pa ang tungkol sa Ionic o app templates, marami kaming magagaling na pagtuturo at mga kurso dito sa Envato Tuts+!